نیوەڕۆی ئەمڕۆ ئەنجومەنی نوێنەرانی عێراق کۆبوونەوەی بۆ دەنگدان لەسەر پڕۆژە یاسای زمانە فەرمیەکان ئەنمجام دا، بەڵام دوای دەنگدان لەسەر چوار ماددە بەهۆی ناڕەزایی هەندێک لایەنەوە دەنگدان لەسەر ماددەکانی دیکەی پڕۆژەیاساکە دواخرا.

ئەندامی ئەنجومەنی نوێنەرانی عێراق \"ئەشواق جاف\"" لەناو هۆڵی ئەنجومەنی نوێنەرانەوە بە ئاژانس و رادیۆی پەیامنێری راگەیاند: \""جارێکی دیکە پڕۆژە یاسای زمانە فەرمیەکان ناڕەزایی چەند لایەنێکی شۆڤێنیی لێ‌کەوتەوە و نەتوانرا سەرجەم بڕگە و ماددەکانی پڕۆژە یاساکە پەسەند بکرێت.\""

ئەشواق جاف گوتی: \""لە مادەی پێنجی پڕۆژەکە دەڵێت زمانی عەرەبی و کوردی زمانی فەرمیی عێراقە لە دام و دەزگاکانی حکومەتی فیدراڵی کە ئەو ماددەیە پەسەند کرا، لە ماددەی دوای ئەویش دەڵێت لە هەرێمی کوردستان زمانی کوردی یەکەمە و زمانی عەرەبی بەدوایدا دێت، بەڵام هەندێک لایەن تەفسیری هەڵەیان بۆ ئەو گوزارشتە کردووە و ناڕەزاییان دەربڕی.\""

راشیگەیاند: \""ئەو لایەنانە تەنانەت داوای دووبارە دەنگدانیان دەکردەوە لەسەر ماددەی پێنجی پڕۆژە یاساکە کە تێیدا دەڵێت زمانی عەرەبی و کوردی زمانی فەرمیی دامەزراوەکانی حکومەتی ناوەندیە."