ئه‌مڕۆ وه‌زاره‌تی دادی عێراق رایگه‌یاند، سزای له‌سێداره‌دانی به‌سه‌ر 17 كه‌س له‌نێوانیاندا دوو ئافره‌ت و یه‌كێكی میسری هه‌یه‌، جێبه‌جێكرد، كه‌ به‌كاری ‌تیرۆرستی تاوانباركراون، سه‌رۆكایه‌تی كۆمار په‌سه‌ندی كردوه‌.

وه‌زیری دادی عێراق حه‌سه‌ن شه‌ممه‌ری، له‌ به‌یاننامه‌یه‌كدا رایگه‌یاند، وه‌زاره‌ت سزای له‌سێداره‌دانی به‌سه‌ر 17 تاوانبار جێبه‌جێكرد، له‌ نێوانیاندا دوو ئافره‌ت و یه‌كێكی میسری هه‌یه‌.

ئاماژه‌یدا: 16 كه‌س له‌و تاوانبارانه‌ به‌پێی ماده‌ی چواری تیرۆر تاوانباركراون، به‌ هۆی ئه‌وه‌ی تاوانیان دژی گه‌لی عێراق ئه‌نجامداوه‌، میسرییه‌كه‌ش له‌سه‌ر دۆسیه‌ی تاوانكاری تاوانباركراوه‌.

شه‌ممه‌ری ئاماژه‌یدا: سزای له‌سێداره‌دانی ئه‌و تۆمه‌تبارانه‌ پله‌ی كۆتایی وه‌رگرت و سه‌رۆكایه‌تی كۆمار په‌سه‌ندی كرد.

جه‌ختی كرده‌وه‌ كه‌ ده‌ستوری عێراقی وه‌زاره‌تی داد پابه‌ندده‌كات سزای دادپه‌روه‌ر له‌دژی بكوژی هاوڵاتیانی بێتاوان جێبه‌جێبكات.