ئه‌مڕۆ له‌ به‌غدا كۆبوونه‌وه‌یه‌كی ده‌وری لیژنه‌ی كاری باڵای سه‌ربازی له‌ نێوان هه‌رێمی كوردستان و حكوومه‌تی فیدراڵ به‌ڕێوه‌چوو. له‌لایه‌ن حكوومه‌تی هه‌رێمی كوردستانه‌وه‌ هه‌ر یه‌ك له‌ فه‌ریق شێروان عه‌بدولڕه‌حمان؛ فه‌ریق جه‌بار یاوه‌ر و عه‌قیدی روكن هه‌ژار به‌شداربوون و هه‌روه‌ها له‌لایه‌نی حكوومه‌تی فیدارلیشه‌وه‌ فه‌ریقی یه‌كه‌م روكن عه‌بود قه‌مبه‌ر ؛ فه‌ریقی یه‌كه‌می رۆكن عه‌لی غێدان ؛ فه‌ریق روكن موحسین كه‌عابی و لیوا رۆكن نه‌سر به‌شداربوون.

د جڤینێ ده‌ گفتۆگو ل دۆر بنگه‌ها كاركرنێ و میكانیزما كارێن هه‌ڤبه‌ش د نێڤبه‌را له‌شكه‌رێ ئیراقێ و هێز و له‌شكه‌رێ پێشمه‌رگه‌ یێ كوردستانێده‌ ل ده‌ڤه‌رێن كوردستانی یێن ده‌رڤه‌ی ئیداره‌یا هه‌رێمێ ل پارێزگه‌هێن دیالا ، سه‌لاحه‌دین ، كه‌ركوك ، نه‌یناوا هاته‌ كرن .

هه‌ر دجڤینێده‌ ل په‌یچوونه‌كه‌ تیرو ته‌سه‌ل ژبۆ كارێن هه‌ڤبه‌ش یێن سالێن بووری هاته‌ كرن و به‌حسا بنگه‌ه و میكانیزما نو هاته‌ كرن و بریار هاته‌ گرتن ژبۆ گه‌هشتنا ب پلانه‌كه‌ خورت و گۆنجه‌یی و كارێن هه‌ڤبه‌ش دوارێ كۆنترۆلكرنا ره‌وشا ئاسایشێده‌ ل وان ده‌ڤه‌ران ب گشتی ب مه‌ره‌ما پاراستنا ژیان و مالێ وه‌لاتیان ژ هه‌موو نه‌ته‌وه‌ و ئۆلان بێ جداهی ئه‌ڤ جۆره‌ جڤینه‌ به‌رده‌وام بن ـ

ته‌ڤی ڤێ یه‌كێ ژی نونه‌رێن هه‌رێما كوردستانێ دوباره‌ داخویانیا سه‌رۆكاتی یا هه‌رێما كوردستانێ یا دوارێ ئاماده‌یی یا هێز و له‌شكه‌رێ پێشمه‌رگه‌ یێ كوردستانێ ژبۆ ئالیكاریكرنا له‌شكه‌رێ ئیراقێ د به‌ربرۆبوونا ته‌رور وته‌رۆریستانده‌ ل هه‌ر ده‌ڤه‌ره‌كه‌ وه‌لات ته‌كه‌ز كر ـ