ئه‌نجومه‌نی وه‌زیرانی عیراق بڕیاریدا رۆژانی پێنج شه‌ممه‌ له‌سه‌رجه‌م فه‌رمانگه‌كانی حكومه‌تدا جگه‌ له‌وه‌زاره‌ته‌كانی ته‌ندروستی و كاره‌با پشوی ره‌سمی بێت.

ته‌له‌فزیۆنی ئه‌لعیراقیه‌ی نیمچه‌ ره‌سمی حكومه‌تی عیراق به‌یاننامه‌یه‌كی بڵاوكرده‌وه‌و تیایدا ئه‌وه‌ی راگه‌یاندوه‌: ئه‌مڕۆ 23-7 ئه‌نجومه‌نی وه‌زیرانی عیراق له‌كۆبوونه‌وه‌ی ژماره‌ 31ی ئاسایی خۆیدا بڕیاریدا هه‌ردوو پێنج شه‌ممه‌ی داهاتوو 25ی ته‌مموزو 1ی ئاب له‌سه‌رجه‌م فه‌رمانگه‌ حكومییه‌كاندا جگه‌ له‌وه‌زاره‌ته‌كانی ته‌ندروستی و كاره‌با پشوی ره‌سمی بێت.

رۆژی 17ی ئه‌م مانگه‌ش ئه‌نجومه‌نی وه‌زیرانی عیراق بڕیاریدا رۆژی 18ی مانگ له‌فه‌رمانگه‌ حكومیه‌كاندا پشوی ره‌سمی بێت ئه‌ویش به‌هۆی به‌رزبوونه‌وه‌ی پله‌ی گه‌رما له‌ زۆربه‌ی پارێزگاكانی عیراقدا.













PUKmedia