26 حوزه‌یران / یۆنیۆ (گوڵان میدیا)- سەرچاوەیەك لە پۆلیسی پارێزگای سەڵاحەددین ئەمڕۆ چوارشەممە ڕایگەیاند، پارێزگاری سەڵاحەددین، ئەحمەد عەبدوڵڵا جبووری، لە هەوڵێكی تیرۆركردن ڕزگاری بوو كە لە ڕێی تەقینەوەیەك بوو بە كاروانی ئۆتۆمبێلەكانیدا. دوێنێ سێشەممەیش پارێزگاری نەینەوا، ئەسیل نوجێفی، لە چوارەم هەوڵی تیرۆركردنی لە مووسڵ ڕزگاری بوو.
عەبدوڵڵا جبووریی پارێزگاری سەڵاحەددین، بە هەوڵەكەی ئەمڕۆ كە بۆ تیرۆركردنی بوو، دەبێت بە چوارەمین هەوڵی تیرۆركردنی لە ماوەی مانگێكدا.
هەوڵە تیرۆركردنەكەی ئەسیل نوجێفییش لە ڕێی تەقینەوەی بۆمبێكی چێنراوەوە بوو بە كاروانی ئۆتۆمبێلەكانیدا لە نێوەڕاستی مووسڵ، بە هۆیەوە چوار كەس بوونە قوربانی و لەنێویاندا دووان پاسەوانی نوجێفی بوون.
نوجێفی بەم هەوڵەی تیرۆكردنەیەبێت بە چوارەمین هەوڵی تیرۆركردن لە ماوەی 3 ساڵدا و یەكەمین هەوڵ لە 30ـی ئایاری 2011 و دومین لە 16ـی نیسانی 2013 و سێیەمیش لە 14ـی حوزیران و دوێنێ سێشەممەیش چوارەمین هەوڵی تیرۆركردنی بوو كە لە نێوەڕاستی مووسڵدا ئەنجام درا، ڕزگاری بوو.