حکومەتی عێراق مەرجەکانی نوجێفی بۆ کۆبوونەوە لەگەڵ مالیکی رەتدەکاتەوە
لەوبارەیەوە عەلی موسەوی راوێژکاری راگەیاندنی نوری مالیکی سەرۆک وەزیران رایگەیاند ئەو مەرجانەی ئوسامە نوجێفی سەرۆکی ئەنجومەنی نوێنەران بۆ کۆبوونەوە لەگەڵ نوری مالیکی دایناون جگە لە بانگەشەی ھەڵبژاردن ھیچ شتێکی دیکە نین.
موسەوی وتیشی: مەرجەکانی نوجێفی پێچەوانەی ئەو کۆبوونەوەیەن کە پێشتر بەمەبەستی چارەسەرکردنی ناکۆکییەکان لە بارەگای سەرۆکی ئەنجومەنی باڵای ئیسلامی بەڕێوەچووبوو.
جێی ئاماژەیە پێشتر ئوسامە نوجێفی سەرۆکی ئەنجومەنی نوێنەران رایگەیاندبوو کە قبوڵکردنی دەستپێشخەرییەکەی عەبدولمەلیک سەعدی کەسایەتی ئایینی سوننەکان و رادەستکردنی بکوژانی خۆپیشاندەران دەکاتە پێشمەرجی کۆبوونەوەی لەگەڵ نوری مالیکی سەرۆک وەزیراندا.
