12ی‌ ئایار/ مایۆ (گوڵان میدیا)- سەرچاوەكانی هەواڵ ئەمڕۆ یەكشەممە بڵاویان كردەوە، سەرۆكوەزیرانی عێراق، نووری مالیكی، بە هۆی لێدانی جەڵتەی مێشكەوە ڕەوانەی دەرەوەی عێراق كراوە.
ئەگەرچی وەك بڵاو كراوەتەوە هێشتا لایەنی فەرمی هەواڵەكەی پشتڕاست نەكردووەتەوە، بەڵام لە ڕێگەی سەرچاوەیەك لە نێو نووسنگەی سەرۆكوەزیرانی عێراقەوە كە نەیویستووە ناوی بڵاو بكرێتەوە، ئاشكرای كردووە كە ئێوارەی دێوێن و پاش لێدانی جەڵتەی مێشك نووری مالیكی ڕەوانەی دەرەوەی وڵات كراوە.