2ـی کانوونی یەکەم/دیسەمبەر(گوڵان میدیا)- له‌سه‌ر فه‌رمانى وه‌زاره‌تى ناوخۆى حكومه‌تى عێراق، له‌ پارێزگاى سه‌ڵاحه‌دین دوو سریه‌ى پۆلیسى فریاكه‌وتن ڕه‌وانه‌ى قه‌زاى دووزخورماتوو ده‌كرێن به‌ بیانووى پاراستنى ئه‌منیه‌تى شاره‌كه‌ تاكو ئێسته‌ش نه‌زاندراوه‌ هاتنه‌كه‌یان هه‌میشه‌ییه‌ یاخود كاتییه.
له‌مباره‌یه‌وه‌ سه‌رچاوه‌یه‌كى ئه‌منى هه‌واڵه‌كه‌ى پشتڕاست كرده‌وه‌ و به‌ (باس نیوز)ى راگه‌یاند هاتنى ئه‌و دوو سریه‌ به‌ مه‌به‌ستى ده‌ست به‌سه‌رداگرتنى بیناى كۆنى فه‌وجى مه‌غاویرى سه‌ر به‌ لیواى (16)ى سوپاى عێراق بوو، كه‌ ماوه‌یه‌كه‌ له‌لایه‌ن ئه‌و فه‌وجه‌وه‌ چۆڵ كراوه‌ بۆ ئه‌وه‌ى بكرێت به‌ كولێژ و دواتر له‌لایه‌ن ئیداره‌ى شاره‌كه‌ و هاووڵاتییانه‌وه‌ ڕێگه‌یان لێ گیراوه‌ و ڕێگه‌یان پێ نه‌دراوه‌ ئه‌و بینایه‌ داگیر بكه‌ن و ئێسته‌ له‌ گه‌ڕه‌كى عه‌سكه‌رى ئه‌و شاره‌ جێگیر كراون.