10 ی تشرینی یەكەم/ ئۆكتۆبەر (گوڵان میدیا)- سه‌رۆكایه‌تی‌ كۆماری عێراق به‌پێی فه‌رمانی دادوه‌ری، مووچه‌ و خه‌رجییه‌كانی‌ تاریق هاشمی‌ جێگری‌ سه‌رۆك كۆماری عێراق بڕی.

سه‌رۆكایه‌تی‌ كۆماری‌ عێراق نووسراوێكی ئاراسته‌ی‌ په‌رله‌مانی عێراق كردووه‌ و تێیدا هاتووه‌ كه‌ به‌بڕیاری‌ ده‌سه‌ڵاتی‌ دادوه‌ری‌، مووچه‌ ‌و هه‌موو خه‌رجییه‌كانی‌ تاریق هاشمی‌ بڕاوه‌ .

تاریق هاشمی جێگری‌ سه‌رۆك كۆماری‌ عێراق له‌ماوه‌ی رابردوودا به‌بێ ئه‌وه‌ی له‌ دادگادا ئاماده‌ بێت، سزای‌ له‌سێداره‌دانی‌ بۆ ده‌رچوو، به‌ڵام ئه‌و تا ئێسته‌ له‌نێو توركیادا وه‌ك په‌نابه‌ری سیاسی ماوه‌ته‌وه‌ .