حزبی دەعوە دیەوێ مالیكی بگۆڕێ
زانیارییەكان ئاماژە دەكەن كە هەندێك لە سەركردەكانى حزبی دەعوە بێزار بووە لە تۆمەتباركردنى حزبەكەیان بەپەرەسەندنی كێشەكان دژی هاوبەشە سیاسییەكان و بڕیاردان بەتاكڕەوی بەبێ راوژێكردنى هیچ كەسێك لە ناو ئەو حزبە.
بەپێی هەمان سەرچاوە بەو هۆیەوە هەندێك لە سەركردەكانى حزبی دەعوە عەلی ئەدیب وەزیری خوێندنی باڵایان پاڵاوك كردووە بۆ ئەوەى جێگەى مالیكی بگرێتەوە لە سەركردایەتیی حزبەكە.
لەلایەكی تریشەوە سەرچاوەیەك راى گەیاند نووسینگەى نووری مالیكی فەرماندەى گشتیی هێزە چەكدارەكان چەند رێوشوێنیكی توندوتۆڵیان گرتووەتە بەر، لەوانە گۆڕینی شوێنی كارى مالیكی و شوێنی حەوانەى ماڵباتەكەى و ئاماژە دەكەن بازنەیەكی توندی تەناهییان لە دەورى داناوە، رۆژنامەى \"سیاسە\""ی كوێتی گواستییەوە.
هەروەها ئەو سەرچاوەیە گوتى، چەند وڵاتێكی هەرێمی و لایەنە ناوەخۆییەكان تاوتوێی بژارەى شیمانە رزگاربوون دەكەن لە مالیكی و تیمەكانى كوشتنی تایبەت ئێستە بۆ ئەو پرسە لە كاردان، هەمان سەرچاوە گواستییەوە.
-ئاكانیوز"
