پەرلەمانتارێکی لیستی ھاوپەیمانی کوردستانی ڕایدەگەیەنێت تاکو ئێستا بڕیاری داخستنی نوێنەرایەتی حکومەتی ھەرێمی کوردستان لەبەغداد لەلایەن حکومەتی ناوەندیەوە پشت ڕاست نەبۆتەوە بەڵام ئەگەر ھاتوو بڕیارێکی لەو جۆرە بدرێت ئەوا ڕەوشی ھەرێم وناوەند بەرەو ئاڵۆزتر دەبات.
ئەندامی ئەنجومەنی نوێنەرانی عێراق لە لیستی ھاوپەیمانی کوردستانی دلێر عەبدولخالق بەئاژانسی پەیامنێری ڕاگەیاند:\"دەبێت چاوەڕێ بکەین بۆئەوەی بزانین ئاخۆ ھەواڵی بڕیاری داخستنی نوێنەرایەتی حکومەتی ھەرێمی کوردستان لەبەغداد تاچەند ڕاستە ئەگەر ھاتوو ڕاست بێت ئەوا کارێکی خراپە\"".
دلێر عەبدولخالق گووتی:\""بارودۆخەکە خۆی ئاڵۆزە بەدڵنیایشەوە ئەو بڕیارەش نێوانی ھەرێم وبەغداد بەرەو ئاڵۆزتر دەبات\"".
ئەندامەکەی ئەنجومەنی نوێنەرانی عێراق ئاماژەی بۆئەوەش کرد:\""ھەرکەسێک بیەوێت چاکسازی بکات پێویستی بەوە ھەیە کارێک نەکات ھەستی لایەنەکانی دیکە بریندار بکات\""."