گۆتیاری لیستی هاوپەیمانیی كوردستان ڕای دەگەیەنێ یەكشەمی داهاتوو پەرلەمانی عێراق دانیشتنی تایبەت لەبارەی پێكهێنانی كۆمسیۆنی باڵای سەربەخۆی هەڵبژاردنەكان ئەنجام دەدا و ستافێكی تازە بۆ كۆمسیۆن دێتە هەڵبژاردن.

موئەیەد تەیب بە ئاژانسی كوردستان بۆ دەنگوباس (ئاكانیوز)ی ڕاگەیاند، سەرجەم فراكسیۆنەكانی ناو ئەنجوومەنی نوێنەرانی عێراق ڕازی بوون لەسەر ئەوەی پێكهاتەی كۆمسیۆن لە 9 كورسییەوە بكرێ بە 15 كورسی بۆ كۆمسیۆنی باڵای سەربەخۆی هەڵبژاردنەكان.

ئاماژەی بەوەش دا، بەپێی ئەم گۆڕانكارییەش كورد 3 كورسیی لە كۆمسیۆنی داهاتوو بەردەكەوێ، ئەوانی تر جارێ دیار نییە هەریەكە و چەند كورسییان بەردەكەوێ، بەڵام كورد سێ كورسیی مسۆگەرە.

زیاتر گوتی، یەكشەمی داهاتوو پەرلەمانی عێراق دانیشتنی تایبەت لەبارەی پێكهێنانی كۆمسیۆنی باڵای سەربەخۆی هەڵبژاردنەكان ئەنجام دەدا و ستافێكی تازە بۆ كۆمسیۆن دێتە هەڵبژاردن.