پارێزگاری‌ نه‌ینه‌وا پێشنیاز ده‌كات، هێزه‌ ئه‌منییه‌كانی‌ پارێزگاكه‌، له‌بری‌ هێزی‌ پێشمه‌رگه‌‌و سوپای‌ عێراق، پاراستنی‌ ناوچه‌ سنورییه‌كانی‌ ئه‌و پارێزگایه‌ بگرنه‌ ئه‌ستۆ.

ئاژانسی‌ هه‌واڵی‌ فورات نیوز له‌زاری‌ (ئه‌سیل نوجێفی‌)یه‌وه‌ بڵاویكرده‌وه‌، جێگیركردنی‌ هێزی‌ پێشمه‌رگه‌‌و سوپای‌ عێراق، له‌ناوچه‌ سنورییه‌كانی‌ باكوری‌ ڕه‌بیعه‌ به‌ئاراسته‌ی‌ سێگۆشه‌ی‌ (توركیا – عێراق – سوریا)، نیگه‌رانی‌ له‌نێو گوندنشینه‌ كورد‌و عه‌ره‌به‌كانی‌ ئه‌و ناوچانه‌ دروستكردووه‌.

پارێزگاری‌ نه‌ینه‌وا داوای‌ له‌هه‌موو لایه‌ك كردووه‌، ژیرانه‌ مامه‌ڵه‌ بكه‌ن‌و ئاگاداربن له‌ده‌رئه‌نجامه‌كانی‌ قه‌یرانی‌ ناوخۆی‌ سوریا.

ئه‌سیل نوجێفی‌ وتیشی‌:\"پێشنیاز ده‌كه‌م، هێزه‌ ئه‌منییه‌كانی‌ پارێزگای‌ نه‌ینه‌وا، به‌رپرسیارێتی‌ ئه‌منیی‌ ناوچه‌ سنورییه‌كان له‌گه‌ڵ سوریا بگرنه‌ ئه‌ستۆ، له‌جێگه‌ی‌ ئه‌و هێزانه‌ی‌ كه‌ هێنراونه‌ته‌ ناوچه‌كه‌\"". "