هەڵبژاردەی تازەپێگەیشتووانی عێراق بەمەبەستی بەشداریكردن لە یارییەكانی پاڵاوتنی جامی نەتەوەكانی ئاسیا لەسەر ئاستی تازەپێگەیشتووان، بەرەو وڵاتی قەتەر بەرێكەوت، كە لەم وڵاتە رووبەرووی هەڵبژاردەكانی ( قەتەر، توركمانستان، تاجكیستان) دەبێتەوە.
بۆ ئەم مەبستەش راهێنەری هەڵبژاردەی تازەپێگەیشتووانی عێراق پێكهاتەی تیپەكەی راگەیاند، كە خۆی لە 22 یاریزان دەگرێتەوە، لەم پێكهاتەیە تەنیا یەك یاریزانی كورد بانگهێشتكراوە ئەوەیش یاریزانی تازەپێگەیشتووان و لاوانی هەولێر ( ئەحمەد سەرتیپ) ناسراو بە (لولو).
ئەم یاریزانە بە پێی چاوەدێران دوا رۆژێكی گەش چاوەڕوانی دەكات خاوەن توانایەكی سەیرە لە ماوەی رابردوو لە لایەن یانەی نەسری ئیماراتی گرێبەستی فەرمی پێشكەش كرا و هەروەها بۆ ماوەی 10 رۆژ لەگەڵ یانەكە مەشقی كرد، بەڵام دوا بڕیاری گەرانەوە بوو بۆ هەولێری پایتەخت.
رێبین رەمزی