یاریزانی یانەی هەولێر بۆ تۆپی بالە نەوزاد شێرزاد پەیوەندی بە یانەی گازی جنوب كرد، كە پاڵەوانی خولی عێراقە لە تۆپی بالە.
لەمباریەوە نەوزاد شێرزاد گوتی: دەستەی كارگێری یانەی گازی جنوب بەفەرمی پەیوەندیان پێوە كردم و داوایان لێكردم، كە لەم وەرزی خولی عێراق لە ریزی یانەكەیان یاری بكەم، منیش رەزامەندی خۆم نیشانداوە بۆ ئەوەی بتوانم لە رێگەی پاڵەوانی خولی عێراق درێژە بە كاروانی وەرزشی خۆم بدەم و هەروەها دەبێتە دەرفەتێكی باش بۆ ئەوەی بانگهێشتی هەڵبژاردەی عێراق بكرێم.
جێگەی باسە نەوزاد شێرزاد یەكێكە لە یاریزانە دیارەكانی یانەی هەولێر و كوردستانە بۆ تۆپی بالە.
رێبین رەمزی