بەفەرمی دەستەی كارگێری یانەی هەولێر گرێبەستی لەگەڵ راهێنەری گۆڵپارێز كاوە ئیبراهیم مۆركرد بە مەبەستی وەرگرتنی ئەركی راهێنەرایەتی گۆڵپارێزانی یانەی هەولێر.
كاوە ئیبراهیم لە دایكبووی ساڵی (1971)ی هەولێرە و گۆلپارێزی یانەكانی (هەولێر و برایەتی و هێرش) بووە دواتر بوویتە راهێنەری گۆڵپارێزی یانەی هەولێر لە ساڵی 2002 بەردەوام بوو تا ساڵی 2007 و توانی لەگەڵ یانەكەی بۆ یەكەمجار نازناوی خولی عێراق بە دەستبهێنێت پاشان بەشداری لە پاڵەوانێتی عەرەبی و یانە پاڵەوانەكانی ئاسیایان كرد، پاشان وەكو یەكەم راهێنەری كورد بووە راهێنەری گۆڵپارێزی یانەی وەحدات-ی ئوردنی لە وەرزی 2008-2009 توانیان لەم وەرزە شەش نازناو بە دەستبهێنن پاشان بووە راهێنەری گۆڵپارێزی یانەی تیلال یەمەنی لە وەرزی 2009-2010.
كاوە ئیبراهیم لەگەڵ هەڵبژاردەی دووەمی عێراق وەكو راهێنەری گۆڵپارێز بەشداری لە پاڵەوانێتی شای تایلاند كرد و توانیان پلەی دووەم بە دەستبهێنن و هەروەها لە وەرزی 2003-2004 راهێنەری گۆڵپارێزی هەڵبژاردەی كوردستان بوو.
جگە لەوە كاوە ئیبراهیم بەشداری لە چەندین خولی راهێنەرایەتی كردووە و خاوەن بروانامەی (c) ئاسیوی لە بواری راهێنەرایەتی.
رێبین رەمزی