دوای ئەوەی یانەی گازی باكوور بەفەرمی سەرەكەت بۆ خولی پلە یەكی كوردستان لە وەرزی داهاتوو، دەستەی كارگێری یانەكە بەفەرمی گرێبەستی لەگەڵ راهێنەری دیاری شاری هەولێر و شێخی راهێنەرانی كوردستان عەبدوڵڵا مەحمود مۆركرد بۆ سەرپەرشتی كردنی تیپەكە، دەستەی راهێنەران دەستیان بە خۆئامادەكردن بۆ وەرزی داهاتوو كرد و چەندین یاریزانیان تاقیكردەوە بەمەبەستی دەستنیشانكردنی شیاوترین یاریزان و لە هەمان كاتدا بەفەرمی گرێبەستیان لەگەڵ كۆمەڵێك یاریزانی دیاری كوردستان و عێراق مۆركرد.
بەفەرمی دەستەی كارگێری یانەكە گرێبەستی لەگەڵ هەریەكە لە یاریزانان (یونس شكور، چۆمان عومەر، سیروان دلشاد، رامیار ئەحمەد، ئەحمەد حوسێن، غانم كەریم، موئەیەد عەبدولباست) مۆركرد و ئەم یاریزانانە لەگەڵ یانەكە دەستیان بە مەشق كردن كرد.
لە هەمان كاتدا بەفەرمی دەستەی كارگێری یانەكە گرێبەستی لەگەڵ وەلید ئەحمەد وەكو یاریدەدەری راهێنەری یانەكە مۆركرد.
رێبین رەمزی