بەشێوەیەكی فەرمی یانەی مسێمیر گرێبەستی لەگەڵ راهێنەری پیشەگەری كرواتی رادان گاسانین بۆ ماوەی یەك وەرز مۆركرد بۆ ئەوەی راهێنەرایەتی ئەم یانەیە بكات لە وەرزی داهاتووی خولی ئەستێرە پیشەگەرەكانی قەتەری و جامی ئەمیر قەتەر.
رادان لە وەرزی 2013 راهێنەری یانەی هەولێر بووە و توانی لە ماوەیەكی كورتدا تیپێكی تۆكمە بۆ یانەكە دروستبكات و شێوازی یاریكردنی تیپەكە بووە جێگەی سەرسوومانی زۆربەی چاودێران، بەڵام بەهۆی خراپی باروودۆخی ئەمنی عێراق، داوا لە دەستەی كارگێری یانەكە كرد، كە تەنیا راهێنەرایەتی یانەكە بكات لە یاریگاكانی كوردستان و بەهیچ شێوەیەك ئامادە نییە بچێتە بەغدا و شارەكانی ناوەڕاست و باشوور و دەستەی كارگێری بەم مەرجە رازی نەبوو بۆیە بە رەزامەندی هەردوو لا گرێبەستەكە هەڵواشایەوە.
یانەی مسێمیر لە وەرزی ئەمساڵدا سەركەوت بۆ خولی ئەستێرە پیشەگەرەكانی قەتەر.
رێبین رەمزی