دوای دابەزینی هەردوو یانەی سلێمانی و مەسافی بۆ خولی پلە یەكی عێراق لە وەرزی ئەمساڵدا، لە رۆژانی رابردوو كۆتایی بە یارییەكانی خولی پلە یەكی عێراق هات و هەردوو یانەی سەناعە و سەماوە توانیان بگەنە یاری كۆتایی خولی پلە یەك و هەردوو بلیتی سەركەوتن بۆ خولی نایابی عێراق لە وەرزی داهاتوو بۆ خۆیان مسۆگەر بكەن.
یانەی سەماە لە كۆمەڵەی یەكەم ی خولی پلە یەكی عێراق یاری كرد و توانی پێشەنگی خولەكە بۆ خۆی مسۆگەر كرد بە كۆكردنەوەی 10 خاڵ و یانەی سەناعە لە كۆمەڵەی دووەم توانی پلیتی دووەم بۆ خۆی مسۆگەر كرد و بە كۆكردنەوەی 10 خاڵ.
وا بڕیارە رۆژی هەینی لە یاریگەی شەعب یاری كۆتایی خولی پلە یەك ئەنجام بدەرێت بەمەبەستی دەستنیشانكردنی پاڵەوانی خولەكە.
جێگەی باسە یانەی سەناعە دەكەوێتە شاری بەغداد و یانەی سەماوە دەكەوێتە باشووری عێراق
رێبین رەمزی