دوای تەواوبوونی یارییە دۆستانەكەی هەڵبژاردەی عێراق و یانەی زاخۆ بە بۆنەی كردنەوەی یاریگەی نێودەوڵەتی زاخۆ، راهێنەری هەڵبژاردەی عێراق ناوی 23 یاریزانی هەڵبژاردەكەی بۆ یارییە دۆستانەكەی هەردوو هەڵبژاردەی عێراق و ژاپۆن دەستنیشان كرا.
كە پێكهاتووە لە ( جەلال حەسەن، فەهد تالیب، عەلی یاسین، كەرار محەمەد، سەلام شاكر، رێبین سولاقا، سامال سەعید، سامح سەعید، زەرغام ئیسماعیل، وەلید سالم، عەلی بەهجەت، یاسر قاسم، سەعد عەبدولئەمیر، سەعد ناتق، سەیف سەلمان، ئەحمەد یاسین، مەهدی كامل، جەستین میرام، هومام تاریق، حوسێن عەلی واحد، ئەمجەد رازی، عەلا عەبدولزەهرە، مەروان حوسێن.
لەم یارییە هەریەكە لە یاریزان عەلا عەبدولزەهرە و ئەمجەد كەلەف و ئەحمەد ئیبراهیم بەهۆی پێكان دوورخرانەوە و یاریزان یونس مەحمود بەهۆی بوونی تاقیكردنەوەی دەرەكی لە هەڵبژاردەكە دوورخرایەوە و عەلی عەدنان بەهۆی گرێبەستەكەی ئۆدنیزی ئیتاڵی یاوەری شاندەكە نەبوو و شوان جەلال بەهۆی تەواونەكردنی پاسپۆرتی عێراق یاوەری شاندەكە نەبوو.
لەم پێكهاتەیە تەنیا یەك یاریزانی كورد بانگهێشتكرابوو ئەوەیش (رێبین سۆلاقا)، كە خەڵكی شارۆچكەی عەنكاوەی شاری هەولێرە.
رێبین رەمزی