کارزان کانەبی
دوای تێپەر بوونی بیست ھەفتە لە میانی یارییەکانی خولی نایابی یانەکانی کوردستان ھێرشبەرانی یانەکانی کوردستان کێبرکێ دەکەن لەسەر بەدەستھێنانی نازناوی گۆڵکاری خولی نایابی یانەکانی کوردستان ، لەگەڵ ئەوەش جارێک شەش یاری ماوە لە تەواو بوونی یارییەکانی خولەکە ، عەبدولقادر تەھای ھێرشبەری بەڕەگەز سوری یانەی برایەتی پێشەنگی گۆڵکارانی خولەکەی گرتووە بە تۆمارکردنی ٨گۆڵ و لە سەرووی ریزبەندی گۆڵکاران دێت، چوار یاریزانی دوو یانەش کێبرکێ دەکەن لەسەر بەدەستھێنانی وەرگرتنی پێشەنگی یانەکان کە ھەریەک لە یاریزانان(ھاوکار لەتیف و بەھادین بەکر)لە یانەی نەورۆز و (ئەیوب ئەیاد ھونەر ئەحمەد)لە یانەی زێرەڤانی خاوەن ٥ گۆڵن لە خولەکە ئەوانیش ڕکابەری یەکتری دەکەن بە ھیوای گەیاندنی رێژەی گۆڵەکانیان بە عەبدولقادرتەھای یاریزانی یانەی برایەتی کە جیاوازی نێوانیان تەنیا ٣گۆڵە، ئێستاش شەش یاری ماوە لە خولی انیابی کوردستان و ڕکابەری دەمێنێ بۆ ئەوەی رێژەی گۆڵەکان گۆڕانکاری بەسەر بێت، عەبدولقادر تەھا گوتی: دڵخۆشم کە ئێستا لە پێشەنگی گۆڵکارانی خولی نایابی کوردستان دێم و بەھیوای ئەوەشم لە یارییەکانی داھاتوو ھێشتا رێژەی ژمارەی گۆڵکانم زیاتر بکەم و ئەو نازناوەش بۆ خۆم یەک لای بکەمەوە سوپاسی ھاوڕییەکانم دەکەم کە ئەوانیش ھۆکار بوون بۆ تۆمارکردنی ئەو ھەشت گۆڵەی خۆم.