دوای‌ ئه‌وه‌ی‌ ئه‌نجامه‌كانی‌ وه‌ك پێویست نه‌بوو، له‌ پاش كۆتاهاتنی‌ یاری‌ نێوان یانه‌كه‌یان و یانه‌ی‌ زێره‌ڤانی‌ ، مامۆستا ئازاد وه‌هاب سەرپەرشتیاری تیپی تۆپی پێی یانەی پێشمەرگەی سلێمانی ده‌ست له‌ كاركێشانه‌وه‌ی‌ خۆی‌ پێشكه‌ش به‌ ده‌سته‌ی‌ كارگێڕی‌ یانه‌ی‌ پێشمه‌رگه‌ كرد.
لەمباریەوە میران محەمەد راگەیاندنی یانەی پێشمەرگەی سلێمانی لە لێدوانێكی بۆ ماڵپەركەمان گوتی: له‌ كۆبوونه‌وه‌ی‌ ده‌سته‌ی‌ كارگێڕی‌ یانه‌كه‌ و له‌ دوایی‌ ڕاوێژ به‌ كۆی‌ ده‌نگ ده‌ست له‌ كاركێشانه‌وه‌ی‌ سه‌رپه‌رشتیاری‌ تیپه‌كه‌ په‌سه‌ند كرا ، هه‌روه‌ك ده‌سته‌ی‌ كارگێڕی‌ یانه‌كه‌ ده‌ست خۆشی‌ له‌ مامۆستا ئازاد وه‌هاب كرد كه‌ له‌ ماوه‌ی‌ كاركردنی‌ له‌گه‌ڵ تیپه‌كه‌ زۆر له‌ خۆبوردوانه‌ و ماندوو نه‌ناسانه‌ به‌ پێی‌ توانایی‌ خۆی‌ كاره‌كانی‌ ڕاپه‌ڕاندووه‌ و ماندوو بووه‌ له‌گه‌ڵ تیپه‌كه‌ وه‌ بڕیاریش درا كه‌ به‌ڕێزیان وه‌ك ئه‌ندامێكی‌ دڵسۆزی‌ یانه‌ی‌ پێشمه‌رگه‌ بمێنیته‌وه‌ .
لە درێژەی قسەكانیدا میران گوتی: هه‌ر له‌و كۆبونه‌وه‌یه‌دا بۆ ڕاپه‌ڕاندنی‌ ئه‌ركی‌ سه‌رپه‌رشتیاری‌ تیپه‌كه‌ (شێرزاد محه‌مه‌د ) به‌ شێوه‌یه‌كی‌ كاتی‌ تا ده‌ست نیشان كردنی‌ كه‌سێكی‌ گونجاو كرایه‌ سه‌رپه‌رشتیاری‌ تیپه‌كه‌.
جێگەی باسە لە وەرزی ئەمسالدا یانەی پێشمەرگەی سلێمانی لە خولی پلە نایابەكانی كوردستان ئەنجامی وەكو پێویست نییە و ركابەری لەسەر مانەوە لە خولەكە دەكات بۆ وەرزی داهاتوو.
رێبین رەمزی