ئەمرۆ یەكشەممە بەفەرمی یاریزانی پێشووی یانەی سلێمانی هۆزان ئازاد پەیوەندی بە یانەی نەفت-ی ناوەراستی شاری نەجەف كرد بۆ ئەوەی لە خولی نایابی عێراق لە ریزی ئەم یانەیە یاری بكات.
یانەی نەفت-ی ناوەڕاست لە كۆمەڵەی یەكەمی خولەكە یاری دەكات و لە پلەی چوارەم دێت بە كۆكردنەوەی 10 خاڵ لە 6 یاری لە وەرزی ئەمساڵدا سەركەوت بۆ خولی پلە نایابەكان.
لە بەرانبەردا یاریزان هۆزان ئازاد بۆ چەندین یانە یاری كردووە و لەم وەرزە یەكێك لە ئەستێرەكانی یانەی سلێمانی بوو لە هێڵی ناوەڕاست، بەڵام بەهۆی كشانەوەی یانەی سلێمانی لە خولی نایابی عێراق یاریزانی ناوبراو پەیوەندی بە یانەی نەفتی ناوەڕاست كرد.
رێبین رەمزی