دوای گەیشتنی هەڵبژاردەی عێراق بۆ وڵاتی سعودیە روژ بە رۆژ كێشەكان بەرۆكی ئەم هەڵبژاردەیە بەر نادات دوای كێشەی جێهێشتنی هۆتێلی تایبەت بە هەڵبژاردەی عێراق و چوونیان بۆ مۆتیل، دوێنی شەو كێشەیەكی گەورەتر روویدا، كاتێك لە نێو هۆتێلی هەڵبژاردەكان و لە بە ئامادەبوونی گشت سەرۆك شاندەكانی هەڵبژاردەكانی كۆمەڵەی دووەم شەرێكی گەورە لە نێوان سەرۆك شاندی هەڵبژاردەی عێراق و جێگری سەرۆكی یەكێتی تۆپی پێی عێراق شرار حەیدەر و وەلید تەبرە رێكخەری راگەیاندنی هەڵبژاردەكە روویدا، كە چەندین قسەی ناشیرین گۆریەوە، ئەمرۆ پێنجشەممە بەفەرمی یەكێتی تۆپی پێی عێراق بڕیاری دوورخستنەوەی وەلید تەبرەی لە شاندی هەڵبژاردەكە دا و نووسراوێكی فەرمیان ئاراستەی لێژنەی رێكخەری پاڵەوانێتیەكە كرد، كە وەلید تەبرە ئێستا هیچ شتێكی فەرمی لەگەڵ هەڵبژاردەكە نییە و پەیوەندی بە شاندەی عێراق نییە.
جێگەی باسە وا بڕیارە رۆژی هەینی كاتژمێر 8:15 خولەك هەڵبژاردەی عێراق و كوەێت رووبەرووی یەكتر ببنەوە.
رێبین رەمزی
