یاریزانی بەرازیلی و بەرگریكاری یانەی پاریس سان جێرمان دیڤد لویز دانی بەوەدانا كە زۆر نزیك بوو لەوەی رووبكاتە یانەی بەرشلۆنە لەكاتی وەرزی گواستنەوەی هاوینە، لویز لە لێدوانێكیدا گوتی: بەرشلۆنە لە وەرزی گواستنەوەی هاوینەدا هەوڵیدا بۆندێكم لەگەڵ مۆربكات، بەڵام هەستم بەوە كرد كە ئەو یانەیە ئارەزوو دەكات بڕۆمە ریزەكانی و دەیەوێت گرێبەستم لەگەل واژوو بكات، ئەوا یانەی پاریس سان جێرمانە بۆیە رووم لەم یانەیە كرد.
هەر لەدرێژەی قسەكانیدا بۆ رۆژنامەی ئێسی ئیسپانی دێڤید لویز دووپاتی كردەوە كە یانەی پاریس سان جێرمان بۆ چەند جارێك هەوڵیانداوە گرێبەستی لەگەڵ واژوو بكەن و وتیشی: بەخۆشحاڵیەوە هەردوولامان گەیشتینە رێككەوتن.
شایەنی وتنە پاریس سان جێرمان بەپێی گرێبەستێك بە بڕی 50 ملیۆن پاوەند یاریزانی ناوبراوی لە یانەی چێلسی كڕی و لەدوایاری نێوان هەردوو یانە لە چامپیۆنز لیگ لویز گۆڵێكی تۆماركرد و یانەكەی بە ئەنجامی 3 گۆڵ بەرامبەر بە 2 گۆڵ بەرەو سەركەوتن برد.