یەكێتی تۆپی پێی ئاسیا بەفەرمی دەستەی ناوبژیوانی یاری كۆتایی جامی یەكێتی ئاسیا بۆ تۆپی پێی لە نێوان هەردوو یانەی هەولێر و قادسیەی كۆێتی دەستنیشان كرد، كە وا بڕیارە رۆژی (18/9/2014) لە شاری دوبەی وڵاتی ئیمارات ئەنجام بدرێت.
دەستەی ناوبژیوانی یارییەكە لە وڵاتی كۆریای باشوورە، كە پێكهاتووە لە (كیم دۆنگ جین) ناوبژیوانی ناوەڕاست و ( كیم یۆنگها) یاریدەدەری یەكەم و (یون كوان جیول) یاریدەدەری دووەم و 0كیم سانگ وو) ناوبژیوانی چوارەم.
وهەروەها( محەمەد موازمیل بن محەمەد) لە وڵاتی سەنگافورە سەرپەرشتیاری یارییەكەیە و (هانی بەلان) لە وڵاتی قەتەر سەرپەرشتیاری ناوبژیوانانە.
كیم دۆنگ جین لە دایكبووی ساڵی (1973)یە و لە ساڵی (2005) ناوبژیوانی نێودەوڵەتیە و چەندین یاری نێودەوڵەتی بەهێزی بەرێوەبردووە.
رێبین رەمزی