لە چوارچێوەی یارییەكی دۆستانەی ئامادەكاریدا یانەی هەولێر میوانداری یانەی نەفتی كرد لە یاریگەی شەهید فرەنسۆ هەریری لە شاری هەولێر، لەم یارییەدا یاریزانانی هەولێر ئاستێكی بەرزیان پێشكەش كرد و توانیان یارییەكە بە ئەنجامی (3-1) گۆڵ ببنەوە، گۆڵەكانی یانەی هەولێر لە رێگەی یاریزانان ( سەعد عەبدولئەمیر، هەڵگورد مەلا محەمەد، هەوار مەلا محەمەد) تۆمار كرا و تاكە گۆڵی یانەی نەفت لە رێگەی یاریزان ( هەردی سیامند) بەهەلە تۆمار كرا.
جێگەی باسە ئەمە سێیەم یاری دۆستانەی یانەی هەولێرە، كە ئەنجامی دەدات دوای ئەوەی دوو یاری لەگەڵ نەفت ئەنجامدا و یارییەكی لەگەڵ یانەی برایەتی ئەنجامدا بەمەبەستی خۆئامادەكردن بۆ یاری پێش كۆتایی جامی یەكێتی ئاسیا بۆ تۆپی پێی، كە وا بڕیارە رۆژی (16/9) لە ئوردن ئەنجامی بدات.
رێبین رەمزی
فۆتۆ: محەمەد سەعدوڵڵا