دوای ئەوەی یانەی هەولێر بڕیاری دا یارییەكانی لە جامی یەكێتی ئاسیا بۆ تۆپی پێی لە وڵاتی لوبنان ئەنجام بدات بۆ ئەم مەبستەش یاریگەی بەیروتی بەلەدی (كەمیل شەمعون)ی دەستنیشان كرد، بەڵام لەم چەند رۆژی رابردوو یەكێتی تۆپی پێی لوبنانی بەفەرمی نووسراوێكی ئاراستەی یانەی هەولێر و یەكێتی تۆپی پێی ئاسیا كردووە بەمەبەستی گۆرینی شوێنی یارییەكەی هەردوو یانەی هەولێر و هانۆی ڤێتنامی لە یاریگەی بەیروت بەلەدی بۆ یاریگەی سەیدا.
وا بڕیارە رۆژی سێشەممە یاری هاتن-ی قۆناغی هەشتەمی جامی یەكێتی ئاسیا لە نێوان هەردوو یانەی هەولێر و هانۆی ڤێتنامی ئەنجام بدرێت لەم یاریگەیە و یارییەكەش كاتژمێر 7,30 خولەكی ئێوارە بە كاتی كوردستان ئەنجام دەدرێت لە یاری چوون یانەی هەولێر توانی لە دەرەوەی یاریگەی خۆی بە ئەنجامی (1-0) گۆڵ بباتەوە و گۆڵەكەش لە رێگەی یاریزان ئەمجەد رازی تۆمار كرا.
رێبین رەمزی - لوبنان