دوای تەواوبوونی یارییەكەی هەردوو هەڵبژاردەی ئەڵمانیا و پورتوگال لە جامی جیهانی 2014، و سەركەوتنی هەڵبژاردەی ئەڵمانیا لەم یارییە بە ئەنجامی (4-0) گۆڵ، رۆژنامەكان وێنەیەكی یاریزانی هەڵبژاردەی پورتوگال میرالیس-یان بڵاوكردووە، كە دوای بەرزكردنەوەی كارتی سوور بۆ یاریزان پیپێ كارێكی ناشیاو بەرانبەر ناوبژیوانی یارییەكە ئەنجامدات، لەسەر ئەم بابەتە یەكێتی تۆپی پێی نێودەوڵەتی (فیفا) ئەمرۆ چوارشەممە بڕیاری كۆتایی خۆی لەسەر ئەم بابەتە دا.
گوتەبێژی فەرەمی یەكێتی تۆپی پێی نێودەوڵەوتی لە كۆنگرەیەكی رۆژنامەنووسیدا گوتی: دوای سەیركردنی بابەتەكە لە چەند لایەنێك و گەرانەوە بۆ ڤیدیۆیەكانی فەرمی یارییەكە، سەرۆكی لێژنەی سزادان لە یەكێتی تۆپی پێی نێودەوڵەتی هیچ شتێكی ناسروشتی نەبینی و بڕیاری دا یاریزانە سزا نەدرێت.
جێگەی باسە لەسەر ئەم وێنەیە یەكێتی تۆپی پێی پورتوگال روونكردنەوەیەكی بڵاوكردووە و باس لەوە دەكات، كە مەبەستی میرالیس لەم كارە روونكردنەوەی شیواز و پلانی یاریكردن بوو بۆ یاریزانەكانی هەڵبژاردەی پورتوگال نەوەك سووكایەتی بە ناوبژیوان بكات.
رێبین رەمزی