ئاماده‌كاریه‌كانی تیپی تۆپی پێی یانه‌ی وه‌رزشی سلێمانی بۆ گه‌رانه‌وه‌ به‌خولی نایابی تۆپی پێی یانه‌كانی عێراق به‌رده‌وامه‌ و له‌و چوارچێوه‌یه‌شدا سه‌عات 5ی ئێواره‌ی ئه‌مرۆ چوارشه‌ممه‌ میوانداری یانه‌ی ته‌ڵه‌به‌ی شاری به‌غدای كرد.
ئاستی یاریه‌كه‌ سه‌رو مام ناوه‌ند بوو ، یاریزانانی هه‌ردوولا نمایشی جوانیان پێشكه‌ش كرد ، هێڵی به‌رگری یانه‌ی سلێمانی تاراده‌یه‌كی باش بێكێشه‌ بوو ، به‌درێژایی هه‌ردوو گێمی یاریه‌كه‌ش هه‌وڵی یاریزانانی هه‌ردوولا بۆتۆماركردنی گۆڵ شكستی هێنا و یاریه‌كه‌ش به‌بێ گۆڵ كۆتایی هات.
هه‌فته‌ی رابردوو یانه‌ی سلێمانی یاریه‌كی دۆستانه‌ی تری ئه‌نجامداو به‌گۆڵێك به‌رامبه‌ر یانه‌ی قوه‌جه‌ویه‌ شكستی هێنا.
بڕیاره‌ رۆژی 10ی مانگ یاریه‌كانی خولی پله‌یه‌كی عێراق و گه‌یشتن به‌خولی نایابی وه‌رزی داهاتوو ده‌ست پێبكات و رۆژی 14ی مانگیش یانه‌ی سلێمانی یه‌كه‌مین یاریی خۆی به‌رامبه‌ر یانه‌ی مه‌سافی باكور ئه‌نجام ده‌دات .
به‌پێی زانیاریه‌كانی سایتی یانه‌ی سلێمانیش هه‌ردوو هێرشبه‌ر (ئه‌حمه‌د مه‌ئمون و جاسم محه‌مه‌د) ته‌نیا یه‌ك هه‌نگاو له‌په‌یوه‌ندیكردن به‌یانه‌ی سلێمانیه‌وه‌ دورن .
ماڵپەری فەرمی یانەی سلێمانی