كارزان كانەبی
لەمیانی یارییەكانی خولی نایابی یانەكانی عێراقی لە یارییەكی دواخراوی خولەكەولەسەر یاریگای بارزان لە زاخۆ بە ئامادەبوونی ژمارەیەكی زۆری هاندەرانی وەرزشی هەردوو یانەی زاخۆ و هەولێر ڕووبەرووی یەكتری بوونەوە، یارییەكە لە ژێر لێزمەی بارانی رەحمەت بەرێوەچوو، لە گێمی یەكەمی یارییەكە یاریزانانی هەولێر نەیانتوانی ئاستێكی بەرز پێشكەش بكەن لە یارییەكە و هەر بۆیە لەم گێمە بە دەست بە تاڵی لە یاریگا هاتنە دەرەوە كاتێك یانەی زاخۆ توانی دوو گۆڵ تۆماربكات لە خولەكەكانی 20و45ی یارییەكە لە رێگای هەریەك لە یاریزانان رەجا رافع و جەلال حەسەنی گۆڵچی بە هەلە لەخۆیانی تۆماركرد، لە گێمی دووەمی یارییەكەش یاریزانانی هەولێر بە ئامانجی ڕاست كردنەوەی ئەنجامی یارییەكە هاتنە نێو یاریگا و چەند هەولێكیاندا بۆ تۆماركردنی گۆڵ لە رێگای یاریزانان لوئەی سەلاح و ئەمجەد ڕازی بەڵام گشت هەوڵەكانیان بێ سوود بوو چونكە یاریزانانی هێلی بەرگری یانەی زاخۆ بەرگرییەكی زۆریان لە گۆڵی تیپەكەیان دەكرد و ئەنجامی كۆتایش بۆ بەرژەوەندی یانەی زاخۆ بە كۆتایی هات، یانەی هەولێریش دوو هەفتەیە لەسەر یەك نەیتوانیوە سەركەوتن بكاتە دیاری هاندەرانی و بە كۆكردنەوەی 28خاڵ لە پلەی سێ یەمی ریزبەندی یانەكانی خولەكە مایەوە، زاخۆش بە كۆكدرنەوەی 23خاڵ لە پلەی شەشەم دایە.