كارزان كانەبی
لەمیانی یارییەكانی هەفتەی یازدەهەمی قۆناغی دووەمی خولی نایابی یانەكانی كوردستان بڕیارە ئەمڕۆ پێنج شەممە و سبەی هەینی و رۆژی شەمە لە هۆڵەكانی شارەكانی كوردستان چوار یاری گرنگ و بەهێز لە نێوان تیپەكانی كوردستان بەرێوەبچێت، ئەمڕۆ پێنج شەممە لە هۆڵی داخراوی یانەی ئەكاد لە شارۆچكەی عەنكاوە لە یارییەكی بەهێزدا هەردوو یانەی قەڵای توركمانی و دەبەندیخان رووبەرووی یەكتری دەبنەوە ، بۆ ئەم یارییەش یاریزانانی هەردوو یانەی ئامادەكاری باشیان كردوە، سبەی هەینیش لە شاری دهۆك لە یارییەكی بەهێزدا هەردوو یانەی دهۆك و سیروانی نوێ‌ ڕووبەرووی یەكتری دەبنەوە، بۆ ئەم یارییەش یاریزانانی یانەی دهۆك بەنیازی بەدەست هێنانی سەركەوتن و بۆ پاڕاستنی پێشەنگی یانەكانی خولەكە، لە قەزای دووبسیش لە یارییەكی بە هێزدا هەردوو یانەی دووبس و ئەكاد ڕووبەرووی یەكتری دەبنەوە، رۆژی شەمە لە شاری زاخۆ لە یارییەكی بەهێزدا هەردوو یانەی زاخۆ و پێشمەرگەی سلێمانی بەیەك دەگەن، هەردوو یانەش هەوڵی بەدەست هێنانی سەركەوتن دەدەن، سەرجەم یارییەكانیش لەكاتژمێر30-2دوای نیوەرۆ بەرێوەدەچێت.ریزبەندی یانەكانیش بەم شێوەی خوارەویە.
1-دهۆك20خاڵ
2-زاخۆ19خاڵ
3-دووبس 16خاڵ