هۆشه‌نگ عه‌بدوللا - تونس
یانه‌ی شه‌تره‌نجی خانزاد نوێنه‌ری هه‌رێمی كوردستان له‌پاله‌وانیه‌تی شه‌تره‌نجی یانه‌كانی ولاتانی عه‌ره‌بی توانی میدالیای زێر به‌ده‌ست بێنێت له‌رێگای یاریزان دیدار محمد یاریزانی ناوبراو توانی ببێت به‌پاله‌وانی مێزی چوار ، یانه‌ی شه‌رقیه‌ی مصری پله‌ی یه‌كه‌می پاله‌وانیه‌تیه‌كه‌ی به‌ده‌ست هێنا و پله‌ی دووه‌م سه‌فقاسی تونسی و پله‌ی سێیه‌م ئه‌منی قه‌ومی جه‌زائیری پله‌ی سێیه‌م و شه‌تره‌نجی خانزادیش پله‌ی نۆیه‌می پاله‌وانیه‌تیه‌كه‌یان به‌ده‌ست هێنا ، پاله‌وانیه‌ تی شه‌تره‌نجی یانه‌كانی عه‌ره‌بی له‌ژێر سه‌رپه‌رشتی یه‌كێتی شه‌تره‌نجی عه‌ره‌بی بە بەشداری ١٠ یانه‌ له‌ولاتی تونس یاریه‌كانی به‌رێوه‌چوو و 50 یاریزانیش له‌تیپه‌كان له‌ركابه‌ری دابوون له‌پێناو ده‌ست به‌ركردنی پاله‌وانیه‌تیه‌كه‌ . دوایی ته‌واو بوونی پاله‌وانیه‌تیه‌كه‌ رۆژی دووشه‌ممه‌ به‌رواری 10-11- له‌شاری منستیر له‌ولاتی تونس به‌ئاماده‌بوونی وه‌زیری گه‌شت و گوزاری تونس و سه‌رۆكی یه‌كێتی شه‌تره‌نجی نێوده‌وله‌تی و سه‌رۆكی زانكۆی شه‌تره‌نجی تونس و ئه‌سعه‌د اسماعیل جێگری سه‌رۆكی یه‌كێتی شه‌تره‌نجی عێراقی و نوێنه‌ری یه‌كێتی ناوه‌ندی شه‌تره‌نجی كوردستان خه‌لات به‌سه‌ر پاله‌وانانی خوله‌كه‌ دابه‌ش كرا