لەبارەی دوایین كۆبوونەوەی یەكێتیی تۆپی بالەی عەرەبی و ئاسیا كەلەمانگی رابردوو لەوڵاتی دوبەی بەڕێوەچوو د. موئەیەد مەغدید جێگری سەرۆكی یەكێتیی تۆپی بالەی عەرەبی رایگەیاند : دواین كۆبوونەوەی یەكێتییەكەمان پرۆگرامی هەرسێ سالی داهاتوو ٢٠١٤ -٢٠١٥-٢٠١٦ پەسەندكرا و بڕیاردرا كۆبوونەوە ساڵی ٢٠١٤ كۆبوونەوەی یەكێتیی تۆپی بالە وڵاتانی عەرەبی بۆیەكەم جار لەشاری هەولێر بەڕێوەبچێت كە ئەو ساڵ بەنسبەت شاری هەولێر وەك پایتەختی گەشتیاری پایتەخی وڵاتانی عەرەبی دەناسێرنێت .
جێگری سەرۆكی یەكێتیی تۆبی بالە راشیگەیاند كە لەسالی ٢٠١٥ پاڵەوانییەتی تۆپی بالەی وڵاتانی عەرەبی لەكوردستان بەڕێوەدەچێت .
لەبارەی كۆبوونەوەیان وەك سەرۆكی یەكێتیی تۆپی بالەی عێراق لەكۆبوونەوەی ئاسایی لەیەكێتیی تۆپی بالەی ئاسیا د. موئەیەد مەغدید رایگەیاند دوایی پەسەندكردنی راپۆرتی دارایی و كارگیری بریارلەسەر خولەكانی تۆپی بالە درا بۆ وەرزی ٢٠١٤-٢٠١٥ بەڵام بەداخەوە بەهۆی نەبوونی هۆڵی گونجاو پێشكەوتوو لەعێراق و كوردستان نەمانتوانی هیچ كام لەو پاڵەوانییەتییانە بگوازینەوە بۆ وڵات و پاڵەوانییەتییەكان وەك ساڵانی پێشوو لەوڵاتی دوبەی بەڕێوەدەچێت كەهۆلی پێشكەوتوو لەخۆ دەگرێت. لەكۆتادا سەرۆكی یەكێتیی تۆپی بالەی عێراقی و جێگری سەرۆكی یەكێتیی تۆپی بالەی عەرەبی د، موئەیەد مەغدید راگەیاند لەهەردوو كۆبوونەوەی یەكێتیی وڵاتانی عەرەبی و ئاسیای ستایشی پێشكەوتنەكانی وەرزشیان لەكوردستان كرد كە بەرچاویەكی باشی بەخۆوە بینیوە وەرزش لەكوردستاندا .