دوای گفتوگۆ و دانیشتنێكی زۆر دواجار بڕیاردرا جامی 22 ی كەنداو لەبەسڕەوە بگوازرێتەوە بۆ شاری جەددەی سعودیە، هەروەها بڕیاردرا لەكاتی ئامادەیی ئەو شارەی عێراق دا ئەوا میوانداریی 23 هەمین جامی كەنداوی پێدەدرێت.
لەكۆبوونەوەكەدا گفتوگۆیەكی زۆركرا لەسەر میوانداریی كردنی پاڵەوانێتییەكە تەنانەت لایەنی عێراقی بەوە رازیبوون پاڵەوانێتییەكە لەشاری بەسڕەوە بۆ هەولێری پایتەختی‌ هەرێمی كوردستان بگوازرێتەوە، بەڵام دواتر بڕیاردرا بەشێوەیەكی كۆتایی لەعێراقەوە بگوازرێتەوە بۆ سعودیە بەدیاریی كراوی بۆ شاری جەددە.