به‌ڕێوه‌به‌ری هونه‌ریی هه‌ڵبژارده‌ی ئینگلته‌را ئاشكرایده‌كات نیازیان هه‌یه‌ له‌رێی پێدانی ره‌گه‌زنامه‌ی به‌ریتانییه‌وه‌ عه‌دنان یانۆزای یاریزانی لاوی یانه‌ی مانچسته‌ر بانگهێشتی هه‌ڵبژارده‌كه‌یان بكه‌ن.

ئه‌و یاریزانه‌ 18 ساڵه‌ له‌دواین یاریی یانه‌كه‌یدا ئاستێكی به‌رزی پێشكه‌شكرد و دوو گۆڵی بۆ شه‌یتانه‌ سوره‌كان تۆماركرد، به‌وه‌ش تیپه‌كه‌ی له‌دۆڕاندنه‌وه‌ گه‌یانده‌ سه‌ركه‌وتن، ئه‌وه‌ش ده‌نگ و سه‌دایه‌كی زۆری بۆ ئه‌و یاریزانه‌ په‌یداكرد و ئێستا هه‌موان باس له‌عه‌دنان یانۆزای ده‌كه‌ن.

یانۆزای له‌برۆكسلی پایته‌ختی به‌لژیكا له‌ دایك و باوكێكی ئه‌لبانی دایكبووه‌، ماوه‌یه‌ك له‌كۆسۆڤۆ ژیاون دواتر چوونه‌ته‌ توركیا، ئێستا ئه‌و یاریزانه‌ ده‌توانێت بۆ هه‌ڵبژارده‌كانی به‌لژیكا و ئه‌لبانیا و توركیا و سڕبیا یاریی بكات.

هه‌روه‌ها به‌وه‌رگرتنی ره‌گه‌زنامه‌ی به‌ریتانی یانۆزای ده‌توانێت بۆ هه‌ڵبژارده‌ی ئینگلته‌را و چه‌ند هه‌ڵبژارده‌یه‌كی تری ئه‌و شانشینه‌ یاریی بكات وه‌ك وێڵز و ئیرله‌ندا و سكۆتله‌ندا.






خه‌ندان