كه‌مێك له‌مه‌وبه‌ر سایتی یانه‌ی ئه‌ی سی میلان به‌ڕه‌سمی گه‌ڕانه‌وه‌ی ریكاردۆ كاكای به‌ڕازیلی بۆ ریزه‌كانی راگه‌یاند ئه‌ویش دوای دوو ساڵ له‌هه‌وڵه‌كانی ئه‌و یانه‌ ئیتاڵیه‌ له‌گه‌ڵ یانه‌ی ریاڵ مه‌درید.

له‌به‌یاننامه‌یه‌كدا كه‌له‌سه‌ر سایتی یانه‌ی ئه‌ی سی میلان بڵاوكراوه‌ته‌وه‌ هاتووه‌: ئه‌دریانۆ گالیانی-ی جێگری سه‌رۆك و ئیداره‌ی یانه‌كه‌مان به‌گشتی سه‌ركه‌تووبوون له‌ئه‌نجامدانی گرێبه‌ستێكی گه‌وره‌ و گه‌ڕاندنه‌وه‌ی ریكاردۆ كاكا.

هه‌ر له‌به‌یاننامه‌كه‌دا هاتووه‌: له‌ 31 ی ئایاری 2009 دوای به‌ده‌ستهێنانی بردنه‌وه‌یه‌ك له‌شاری فلۆره‌نسا كاتێك ریكاردۆ كاكا باوه‌شی كرد به‌كارلۆ ئه‌نچیلۆتی و پاولۆ ماڵدینی ئه‌و یاریزانه‌ گه‌ڕایه‌وه‌ بۆ به‌ڕازیل تا په‌یوه‌ندی بكات به‌هه‌ڵبژارده‌ی به‌ڕازیله‌وه‌، به‌ڵام چیتر نه‌هاته‌وه‌ بۆ یانه‌ی میلان و به‌ره‌و ریاڵ مه‌درید رۆشت، ئه‌وا جارێكی تر په‌یوه‌ندی ده‌كاته‌وه‌ به‌یانه‌ی میلان بۆ به‌رده‌وامبوون له‌سه‌ركه‌وتن.


به‌پێی به‌یاننامه‌كه‌ی یانه‌ی ئه‌ی سی میلان بێت ریكاردۆ كاكا بۆ ماوه‌ی دوو ساڵ و تا هاوینی 2015 له‌ریزه‌كانیان به‌رده‌وام ده‌بێت.








خه‌ندان