كارلۆ ئه‌نچیلۆتی ئیتاڵی و راهێنه‌ری نوێی یانه‌ی ریاڵ مه‌درید هه‌وڵه‌كانی خستۆته‌گه‌ڕ بۆ رازیكردنی گۆنزالۆ هیگواینی ئه‌رژه‌نتینی به‌مانه‌وه‌ی له‌یانه‌ی شاهانه‌ له‌وه‌رزی داهاتوودا.

دوای كۆتایی هاتنی پشوه‌كه‌ی هیگواین گه‌ڕایه‌وه‌ بۆ شاری مه‌درید به‌مه‌به‌ستی ده‌ستپێكردنه‌وه‌ی مه‌شق و راهێنانه‌كانی بۆ وه‌رزی داهاتوو، ئه‌نچیلۆتی راهێنه‌ریش گه‌ڕانه‌وه‌ی ئه‌و یاریزانه‌ به‌هه‌لێك ده‌زانێت بۆ هێشتنه‌وه‌ی له‌یانه‌كه‌دا لانی كه‌م بۆ وه‌رزێكی تر.

ئێستا یانه‌ی ئارسناڵ له‌پێشه‌وه‌ی ئه‌و یانانه‌دایه‌ كه‌له‌هه‌وڵی ئیمزاكردنی گرێبه‌ستدان له‌گه‌ڵ گۆنزالۆ هیگواین له‌هاوینی ئه‌مساڵدا، به‌ڵام ریاڵ مه‌درید زیاد له‌ 30 ملیۆن یۆرۆ ده‌كات به‌رامبه‌ر ده‌ستبه‌رداربوونی له‌و یاریزانه‌.




خه‌ندان