كارزان كانەبی
لە چوار چێوەی یارییەكانی خولی تۆپی پێی لاوانی یانە یانە پلە یەكەكانی كوردستان لە هەفتەی سێ‌ یەمی خولەكە لە چەند یاریگایەكی جیا جیای شارەكانی كوردستان هەشت یاری گرنگ و بەهێز ئەنجامدران، لە گروپی یەكەمی خولەكە چەند یارییەك بەرێوەچوو، لە شاری سلێمانی یانەی سیروانی ڕووبەرووی یانەی ئاشتی بووە لە یارییەكی بەهێزدا بە ئەنجامی (7-2)گۆڵ یارییەكەی بردەوە، یانەی شەهیدانیش لەسەر یاریگای خۆی لە یانەی دەربندیخانی بردەوە بە ئەنجامی(5-2)گۆڵ،یانەی هەلەبجەی شەهیدش لەسەر یاریگای خۆی بە یانەی خانەقین دۆڕا بە ئەنجامی (2-1)گۆڵ،یانەی چەمچەمالیش لە یارییەكی بەهێزدا لە یانەی نەورۆزی بردەوە بە ئەنجامی(2-1)گۆڵ،لە كۆمەلی دووەمیش بە هەمان شێوەی كۆمەلەی یەكەم چوار یاری ئەنجامدرا، یانەی گارە لە شاری دهۆك لە یانەی ئاڵای بردەوە بە ئەنجامی (3-1)گۆڵ،یانەی ئاكرێ‌ بە زەحمەت لە یانەی كۆیەی بردەوە بە ئەنجامی(5-4)گۆڵ، لەسەر یاریگای شەهیدانیش یانەی پێشكەوتن لە یارییەكی بەهێزدا بەزەحمەت بە تاكە گۆلێك لە یانەی سۆرانی بردەوە، یانەی ئاسۆش لەسەر یاریگای خۆی بە یانەی خاك دۆڕا بە ئەنجامی(2-1)گۆڵ.