هه‌ریه‌كه‌ له‌ سێرجیۆ رامۆس و جیرارد پیكێی به‌رگریكاری هه‌لبژارده‌ی ئیسپانیا به‌شدارییان له‌دوایین راهێنانه‌كانی هه‌لبژارده‌كه‌یان نه‌كرد ، ئه‌مه‌ش دوودڵی خسته‌ نێو دڵی ده‌سته‌ی هونه‌ری لاڕۆخا.

رامۆس و پیكێ به‌هۆی هه‌ست كردن به‌ئازار به‌شدارییان له‌راهێنانه‌كانی خۆئاماده‌كردن بۆ یاریی كۆتایی جامی كیشوه‌ره‌كان نه‌كرد ، كه‌ ئه‌وه‌ی یه‌كه‌میان به‌هۆی كه‌وتنی له‌ڕاهێنانه‌كان هه‌ست به‌ئازارێكی سوك ده‌كا ، و ئه‌مه‌ی دواییشیان له‌گۆزینگی راستی دووچاری پێكانێكی سوك هاتووه‌ .

ده‌سته‌ی هونه‌ری ماتادۆره‌كان ده‌ترسن دوو به‌رگریكاره‌كه‌ی هه‌لبژارده‌كه‌یان نه‌توانن به‌شداریی له‌یاریی كۆتایی به‌رامبه‌ر به‌ڕازیل بكه‌ن و له‌هێلی به‌رگری كێشه‌یان بۆ دروست بێت.

سبه‌ی شه‌و كاژێر یه‌كی دره‌نگانی شه‌و وابڕیاره‌ هه‌ردوو هه‌لبژارده‌ی ئیسپانیا و به‌ڕازیل له‌یاریی كۆتایی جامی كیشوه‌ره‌كان به‌یه‌ك بگه‌ن .