وه‌ك چاوه‌ڕوان ده‌كرا هه‌ریه‌كه‌ له‌یانه‌ی ریاڵ مه‌درید و كۆمپانیای فلای ئیمارات گه‌یشتنه‌ رێككه‌وتن و به‌خێرایی درێسه‌كه‌ نوێیه‌كه‌ به‌سپۆنسه‌ری كۆمپانیا ئیماراتیه‌كه‌ له‌لایه‌ن یاریزانانی ریاڵ مه‌دریده‌وه‌ كرایه‌به‌ر.

فلای ئیمارات كۆمپانیایه‌كی بواری فرۆكه‌وانیه‌ و سپۆنسه‌ری چه‌ند یانه‌یه‌كی گه‌وره‌ی جیهانه‌ له‌وانه‌ (ئارسناڵ، ئه‌ی سی میلان، پاریس سان جێرمان، هامبۆرگ، ئۆڵۆمپیاكۆس) هه‌روه‌ها وه‌رزی داهاتوو ریاڵ مه‌دریدیش ده‌چێته‌ پاڵ یانه‌كانی تر كه‌درێسه‌كه‌یان ناوی ئه‌و كۆمپانیایه‌ی هه‌ڵگرتبێت.


گرێبه‌سته‌كه‌ی پێشووی یانه‌ی ریاڵ مه‌درید له‌گه‌ڵ كۆمپانیای بی وین (بێت ئاند وین) دابوو، كه‌كۆمپانیایه‌كی بواری گره‌وی وه‌رزشییه‌وه‌ و به‌شداربووان له‌ڕێی ئه‌و كۆمپانیایه‌وه‌ گره‌و له‌سه‌ر ئه‌نجامی یارییه‌كان ده‌كه‌ن.




خه‌ندان