لەیارییەکی هەفتەی 35 ی خولی پلە یەکی ئیتاڵیا یانەی یۆڤانتۆس میوانداریی یانەی پالێرمۆی کرد، دوای بردنەوەی یارییەکە یۆڤانتۆس پێش کۆتایی هاتنی کاڵچیۆ بە سێ هەفتە نازناوی خولەکەی لەبەرژەوەندی خۆی یەکلایی کردەوە.

ئێستا یانەی یۆڤانتۆس خاوەنی 83 خاڵە و جیاوازییەکەی لەگەڵ ناپۆلی کردە 14 خاڵ، بەوەش نازناوەکەی لەبەرژەوەندی خۆی یەکلایی کردەوە و کێبڕکێکردنی لەسەر پلەی دووەم بۆ یانەکانی ناپۆلی و ئەی سی میلان و فیۆرێنتینا جێهێشت.

لەگەڵ ئەوەی بۆ ساڵی دووەم لەسەر یەک بووە پاڵەوان، یۆڤانتۆس بەردەوامە لەتۆمارکردنی ژمارەیەکی پێوانەیی ئەویش بەبەدەستهێنانی نازناوەکە بۆ جاری 29 یەم لەسەر یەک.

ئەمە لەکاتێکدایە کە ئیدارە و هاندەرانی یانەکە هەمیشە خۆیان بەخاوەنی 31 نازناوی خولەکە دەزانن، ئەویش بریتیە لەو دوو نازناوەی کەلەلایەن دادگای وەرزشیی و یەکێتی تۆپی پێی ئیتاڵیاوە لێیان سەندرایەوە لەسەر یاریی کردن بەئەنجامەکانی خولی ئیتاڵی.





خەندان