فلۆرنتینیۆ پێرێزی سەرۆکی یانەی ریاڵ مەدریدی ئیسپانی هەوڵدەدات گرێبەستی یانەکەی بۆ لیڤاندۆڤسکی یەکلا بکاتەوە بۆ ئەوەی ئەگەر هاتوو سەری نەگرت ، ئەوا هەوڵ بۆ ئامانجەکانی تریان بدەن.

ڕۆژنامەی مارکای مەدریدی ، ئەمڕۆ بڵاویکردۆتەوە پێرێزی سەرۆکی ریاڵ هەوڵدەدات بە بێ ئەوەی بڕوات بۆ دۆرتمۆند بە مەبەستی گفتوگۆکردن لەسەر ئەو یاریزانە بە ڕەگەز پۆڵەندییە ، سەرکەوتنی گرێبەستەکە یەکلا بکاتەوە.

لە دوای ئەوەی لیڤاندۆڤسکی لە یاری چوونی قۆناغی نیوەی کۆتایی خولی یانە پاڵەوانەکاندا 4 گۆڵی لە ڕیاڵ مەدرید تۆمار کرد ، سەرۆکی یانەی شاهانە دەیەوێت ئەو هێرشبەرە بگوازێتەوە بۆ ریاڵ مەدریدو سەرسامە بەو ئاستە بەرزەی.

مارکا ئاشکرایکردووە پێرێزی سەرۆکی ڕیاڵ بۆ 10 خولەک لەگەڵ لیڤاندۆڤسکی قسەی کردووە سەبارەت بە گرێبەستەکەیان و تاکوو ئێستاش هیچ ڕیکەوتنێک لە نێوانیاندا ڕووینەداوە.



خەندان