كارزان كانەبی
لە چوارچێوەی یارییەكانی خولی نایابی تۆپی دەستی یانەكانی كوردستان لە كۆمەلەی دووەمی خولەكە كە یارییەكانی بەبەشداری هەریەك لە یانەكانی (هەولێر،ئاكرێ‌، سەرچنار،هێرش،سۆلاڤی نوێ‌ ، سیروانی نوێ‌ ) رۆژانە بەشێوازی خول لە شاری هەولێر بەرێوەدەچێت، لە هۆڵی داخراوی كۆلێژی پەروەردەی وەرزشی ، لە درێژەی یارییەكانیش ، لە یاری یەكەمیشدا هەردوو تیپی تۆپی دەستی یانەی هێرش و ئاكرێ‌ لە یارییەكی بەهێزدا ڕووبەرووی یەكتری بوونەوە، لەم یارییەشدا یاریزانانی یانەی هێرش زۆر بەزەحمەت توانیان یارییەكە ببەنەوە بە ئەنجامی (23-20)گۆڵ بەجیاوازی تەنیا سێ‌ گۆڵ یارییەكەیان بردەوە ، لە یاری دووەمیشدا یانەی هەولێر ڕووبەرووی یانەی سەرچنار بووە لەم یارییەشدا یاریزانانی یانەی هەولێر توانیان ساتێكی بەرز پێشكەش بكەن و یارییەكەش بە ئەنجامی (29-19)گۆڵ ببەنەوە، یاریزانانی یانەی هەولێر توانیان لە زۆربەی كاتی یارییەكە باڵا دەستی خۆیان بنوێنین لە یاریگادا بە هێرشە چڕەكانیان بۆسەر گۆڵی تیپی میوان، ، لە یاری سێ‌ یەمیشدا هەردوو یانەی سیروانی نوێ‌ شاری سلێمانی و سۆلاڤی نوێ‌ شاری كەركوك بەیەك گەیشتن، لەم یارییەشدا یاریزانانی هەردوویانە ئاستێكی بەرزیان پێشكەش كردوبەدرێژایی یارییەكە هێرشیان دەبردە سەرگۆڵی یەكتری لەم یارییەشدا یانەی سیروانی نوێ‌ بەزەحمەت توانی یارییەكە بباتەوە بە ئەنجامی(25-22)گۆڵ بەجیاوازی تەنیا3گۆڵ یارییەكە بردەوە، لەم كۆمەلەش تەنیا سی تیپ بەسردەكەوێت بۆخولی بژاردە وەكو كۆمەلەی یەكەم كە هەریەك لە یانەكانی سلێمانی و نەورۆز ومەخمور سەركەون بۆخولی بژاردە و چاوەڕوانی سەركەوتنی یانەكانی كۆمەلەی دووەمن بۆخولی بژاردە.