لیۆنێل میسی ئەرجەنتینی ، هێرشبەری یانەی بەرشلۆنە، شەوی ڕابردوو توانی گۆڵێک تۆمار بکات بۆ یانەکەی و ئەمەش گۆڵێکی تایبەت بوو بۆی چونکە ژمارەی گۆڵەکانی بەرشلۆنەی گەیاندە 100 گۆڵ لەم وەرزەی خولی لالیگادا.

یانەی بەرشلۆنە لە دواین یاری خۆیدا ڕووبەروی یانەی ئەتلەتیک بلباو بوویەوەو یارییەکەشی بە یەکسانبوون کۆتایی پێهێنا بە ئەنجامی 2-2 گۆڵەکانیش میسی و سانشێز تۆماریانکرد.

لەم وەرزەدا یانەی بەرشلۆنە ژمارەی گۆڵەکانی گەیاندە 101 گۆڵ کە 44 گۆڵی میسی تۆماری کردووە.

هەروەها میسی ژمارەیەکی پێوانەیی نوێی تۆمار کرد ئەویش گۆڵی ژمارە 24 بوو لە دەرەوەی یاریگای کامپ نوو لەم وەرزەدا و ئەمەش ژمارەیەکەی لەگەڵ ڕۆناڵدۆ یەکسانبکردەوە کە لە وەرزی 2011/2012 دا تۆماریکردبوو.




خەندان