فرانسیسکۆ ڕۆکا سەرۆکی یەکێتی یانەکانی ئیسپانیا بۆ تۆپی پێی ، ئاشکرای دەکات کە سیستمی چاودێری هێڵی گۆڵ پەیڕەو دەکەن بەڵام لە ماوەی دوو ساڵ یان سێ ساڵی دیکەدا.

ئێستادا یەکێکی تۆپی پێی ئینگلترا بریاریداوە کە سیستمی هێڵی گۆڵ پەیڕوە بکات لە وەرزی نوێدا پاش ئەوەی تاقیکردنەوەی لەسەر ئەنجامدا و بە ڕێژەی %١٠٠ سەرکەوتوو دەرچوو.

هەروەها یەکێتی تۆپی پێی جیهانیش لەگەڵ کۆمپانیایەکی ئەڵمانیدا گرێبەستی کردووە بۆ ئەوەی سیستمی چاودێری هێڵی گۆڵ دروست بکات و لە یارییەکانی جامی جیهانی ٢٠١٤ ی بەڕازیل بەکاری بهێنن.

رۆکا دەڵێت" لە ماوەی دوو ساڵ یان سێ ساڵی دیکەدا یەکێتی تۆپی پێی ئیسپانیاش پەیڕەوی بە چاودێری هێڵی گۆڵ دەکات و بەکاری دەهێنێت لە خولی ئیسپانیدا.

دانانی سیستمی چاودێری بۆ هێڵی گۆڵ بۆ ئەو هەڵانە دەگەڕێتەوە کە ناوبژیوان لە یارییەکاندا بەسەریدا تێدەپەڕێت لەکاتی گۆڵ تۆمار کردندا ، ئەم سیستمە یارمەتی ناوبژیوان دەدات کە بە تەواوی بزانێت گۆڵێکی دروستە ، یاخود گۆڵ نیە.





خەندان