راهێنەری یانەی مانچستەرسیتی رۆبەرتۆ مانشینی ستایشی تواناكانی خۆی دەكات و دووپاتیدەكاتەوە كە باشترین راهێنەری خولی ئینگلتەرایە لە ماوەی 15 مانگی رابردوو، مانشینی لە لێدوانێكیدا بۆ تۆڕی بی بی سی بەریتانی باس لە خۆی دەكات و گوتی : لە ماوەی 15 مانگی رابردوو من باشترین راهێنەری خولی ئینگلتەرام، لەلای من گرنگ نییە ئەو هەواڵانەی كە پێشبینی رۆیشتنم دەكەن لە یانەی مانچستەر سیتی لە كۆتایی ئەم وەرزەدا بە هۆی ئەنجامە خراپەكان .
لەمباریەوە مانشینی گوتی : لە وەرزی رابردوو خولی ئینگلتەرام بەدەست هێنا و پێشتریش جامی ئینگلتەرا و قەڵغانی خێرخوازی، هیچ راهێنەرێك لە ئینگلتەرا نییە ئەو دەسكەوتانەی منی بەدەست هێنا بێت بۆیە من باشترین راهێنەری خولی ئینگلیزییم لە 15 مانگی رابردوودا .
راپۆرتە هەواڵەكان پێشتر ئاماژەیان بەوەدابوو كە راهێنەر مانشینی لە كۆتایی ئەم وەرزە لە ئەركەكەی دوور دەخرێتەوە دوای دەرچوونی یانەی مانچستەر سیتی لە چامپیۆنز لیگ و بەرز بوونەوەی جیاوازی خاڵەكان لەگەڵ ركابەرەكەی یانەی مانچستەر یونایتدی یەكەم بۆ 12 خاڵ و هەندێك لە چاودێران راهێنەر گواردیۆلایان دانابوو بۆ شوێنگرتنەوەی مانشینی بەڵام گواردیۆلا یانەی بایرەن میونیخی ئەڵمانی هەڵبژارد، لەمباریەوە مانشینی دەڵێ: یەكێك لە رۆژنامەنووسەكان دەیگوت مانشینی دەڕوا لە كۆتایی وەرزدا و راهێنەرێكی تازە بۆ یانەی مان سیتی دەست نیشان دەكرێت و ناوی راهێنەر گواردیۆلای دەهێنا، بەڵام گواردیۆلا پەیوەندی بە یانەی بایرەنەوە كرد و لەم كاتەوە هیچ ناوێكی دیكە باس ناكرێت و زمانەكان بێدەنگ بوون .