دوای ئەوەی کەمێک پێش ئێستا بلاومانکردەوە کە زیکۆ لەسەر مالپەڕی تایبەت بەخۆی ھەوالی دەست لەکارکێشانەوەی خۆی ئاشکارکردووە ، کەمێک پێش ئێستا عەبدولخالق مەسعود جێگری یەکێتی تۆپی پێی عێراق ئاشکرایکرد کە تاکو ئێستا ھیچ داوای دەست لەکارکێشانەوەیەکی زیکۆیان پێنەگەیشتووە.
عەبدولخالق مەسعود سەبارەت بە ھەوالی دەست لەکارکێشانەوەی زیکۆی راھێنەری ھەلبژاردەی عێراق بۆ ئاژانسی فڕانس پرێس گوتی:”یەکێتی تۆپی پێی عێراق تا ئێستا ھیچ نوسراوێکی فەرمی لە لەبەڕێوەبەری ھونەری ھەلبژاردەی نیشتیمانی پێنەگەیشتووە ، لەچەند کاتژمێری داھاتوو یەکێتی تۆپی پێی عێراق لەسەر ئەو ھەوالەی دەست لەکارکێشانەوەی زیکۆ کۆدەبێتەوە کە لە میدیا جیھانیەکان بلاوبۆتەوە”.
پتر گوتی:”لە کۆبوونەوەکە وەرگێڕی تایبەتی زیکۆ ئامادە دەبێت و ئەگەر شتێکی فەرمی ھەبێت پێویستە بیداتە یەکێتی تۆپی پێی عێراق”.
جێگای ئاماژەپێکردنە لە مانگی ئاب/ئۆگەستی سالی رابردووەوە زیکۆ بەبۆندێکی دوو ملیۆن و نیو دۆلاری بۆ دوو سال بووە راھێنەری ھەلبژاردەی عێراق و ماوەیەکە کێشە لەنێوان یەکێتی تۆپی پێ و راھێنەری ھەلبژاردەی عێراق دروستبووە.