له‌ميانه‌ی يارييه‌کانی هه‌فته‌ی سيانزده‌ی خولی نايابی ئينگليزی و له‌سه‌ر ياريگای ئۆڵد ترافۆرد هه‌ردوو يانه‌ی مانجسته‌ر يونايتدی خاوه‌ن پله‌ی دوه‌ه‌می ڕيزبه‌ندی خوله‌که‌و ئه‌ستۆن ڤیلا به‌يه‌ک گه‌يشتن، له‌يارييه‌کی به‌هێزدا شه‌يتانه‌ سوره‌کان توانيان دڵی هانده‌رانيان ئاش بکه‌نه‌وه‌ دوای ئه‌وه‌ی له‌ياری هه‌فته‌ی پێشويان له‌ خوله‌که‌ توشی شکست هاتبوون و پله‌ی يه‌که‌ميان له‌ده‌ستدا، له‌م يارييه‌دا پێويست بوو ببه‌نه‌وه‌ بۆ ئه‌وه‌ی به‌رده‌وام بن له‌ ململانێ کردن له‌پێشه‌نگايه‌تی، له‌گێمی يه‌که‌می يارييه‌که‌دا هه‌ردوولا ئاستيان مام ناوه‌ند بوو به‌بێ گۆڵ به‌کۆتا هات، له‌گێمی دووه‌می يارييه‌که‌ ئاست و ئه‌نجام گۆڕا به‌جۆرێ ياريزانانی کوينز پارک له‌پێشدا گۆڵێکيان تۆمار کرد له‌ڕێگه‌ی ياريزان جامی مايکی له‌خوله‌کی 52 وه‌ هانده‌رانی شه‌يتانه‌ سوره‌کانی توڕه‌ کرد به‌ڵام زيره‌کی فێرگسۆنی ڕاهێنه‌ر ئاست و ئه‌نجامی ياری گۆڕی توانيان سێ گۆڵ تۆمار بکه‌ن له‌ڕێگه‌ی ياريزانان ئيڤانز له‌خوله‌کی 64، ڤليچه‌ر له‌خوله‌کی 66، هێرناندێز له‌خوله‌کی 72 ، به‌م ئه‌نجامه‌ توانيان له‌نێو ياريگاو هانده‌رانی خۆياندا سه‌رکه‌وتن به‌ده‌ست بهێنن له‌گه‌ڵ سێ خاڵي يارييه‌که‌ .

یانەی مان یونایتد بەم بردنەوەیەی ژمارەی خالەکانی بۆ ٣٠ خال بەرزکردەوە و بەشێوەیەکی کاتی ھاتە پلەی یەکەمی ریزبەندیی و ئەلێکس فێرگسۆنی راھێنەریش بەبۆنەی سالڕۆژی راھێنەرایەتیکردنی یانەی مام یونایتد دیارییەکی بەنرخی لە یاریزانەکانی وەرگرت و لەبەرامبەریشدا یانەی کوینز پارک رینجەرز چاوی لە ئەزموونی ھاری رێدناپی راھێنەری نوێیەتی کە بۆ چاودێریکردنی یاریزانەکانی یانە نوێیەکەی لە یارییەکەی ئۆلترافۆرد ئامادەبوو ، کە ئەمڕۆ بەفەرمی پۆستی راھێنەرایەتیکردنی یانە لەندەنیەکەی وەرگرت.
ھەر لەھەمان کاتدا سێ یاریی تر لەخولی نایابی ئینگلتەڕا بەڕێوە چوون کە یانەی ئێڤەرتۆن و نۆریچ سیتی بەئەنجامی ١-١ بەرامبەر بوون و ھاوڕێکانی مەڕوان فیلاینی دوو خالی گرنگیان لەدەستدا ، وە لەدوو یارییەکەی تریش یانەکانی یانەکانی ستۆک سیتی و ویگان ئەتلەتیک لەیانەکانی فولھام و ریدینگیان بردەوە کە لەیاریی یەکەم ھاوڕێکانی پیتەر کراوش بەگۆلێکی چاڕلی ئادەم لە فولھامی مێوانیان بردەوە و لەیاریی دووەمیشدا خۆردی گۆمێز بەتۆمارکردنی سێ گۆل سەرکردایەتی یانەی ویگانی کرد و بەئەنجامی ٣-٢ لەیانەی ریدینگییان بردەوە.