ڕۆژنامه‌نوسێكی‌ به‌ڕازیلی‌ ناودار ناوی‌ ئه‌و سێ یاریزانه‌ی‌ دزه‌ پێكردووه‌ كه‌ ڕكابه‌ری‌ بۆ وه‌رگرتنی‌ تۆپی‌ ئاڵتونی‌ ئه‌مساڵ ده‌كه‌ن و ناوی‌ نیماریش خراوه‌ته‌وه‌ لیسته‌ كۆتاییه‌كه‌وه‌ .

جورج نیكول كه‌ كۆنترین ڕۆژنامه‌نوسی‌ شاری‌ ساوپاولۆیه‌ ئه‌وه‌ی‌ بڵاوكردۆته‌وه‌ كه‌ هه‌ریه‌كه‌ له‌ یاریزانان ( ڕۆناڵدۆو میسی‌ و نیمار) له‌ لیستی‌ كۆتایی‌ ڕكابه‌ره‌كانی‌ وه‌رگرتنی‌ ئه‌و خه‌ڵاته‌ی‌ بالۆن دۆرن .


نیكول ئه‌وه‌شی‌ وتوه‌ ئه‌و زانیارییانه‌ی‌ له‌ چه‌ندین سه‌رچاوه‌ی‌ تایبه‌ت و نهێنی‌ به‌رپرسانی‌ وه‌رگرتنی‌ خه‌ڵاته‌كه‌وه‌ وه‌رگرتووه‌ , به‌ڵام ئه‌م زانیارییانه‌ی‌ نیكوڵ دوو ڕای‌ خستۆته‌وه‌ به‌و پێیه‌ی‌ هه‌ندێك ڕایان وایه‌ كه‌ ده‌یه‌وێت قه‌ناعه‌ت به‌ مانه‌وه‌ی‌ نیمار بكات له‌ مانه‌وه‌ی‌ نیمار له‌ سانتۆس و هه‌ندێك تر پێیان وایه‌ بۆچونه‌كه‌ی‌ ڕاسته‌و یه‌كێكه‌ له‌و ڕۆژنامه‌نوسه‌ سه‌ركه‌وتوانه‌ی‌ كه‌ خاوه‌نی‌ په‌یوه‌ندییه‌كی‌ به‌هێزه‌ .


خه‌ندان سپۆرت